Google CEO IIT KGP indang ‘Distinguished Alumnus’ sempet agizükogo

January 6, 2017 (Agencies) : Google CEO Sundar Pichai-i IIT KGP’s Distinguished Alumnus sempet agizükogo. IIT Kharagpur-i 2015 küm iba sempet pa nem agüja liasü, saka küm ana shi or sülen takümang pai iba sempet tsüngtong arua agizükogo.
“Sundar Pichai nem iba sempet ya January 5, 2017 IIT Kharagpur Board Room nung agütsü. Iba sempet 2015 convocation nung pa nem agütsü, saka pai iba mapang nung tsüngtong arua magizüktet.” ta IIT Director PP Chakrabarti-i Mongolbar nü Facebook nung metetdaktsü.
Küm 23 sülen Pichai campus-i kaketshirtem den sensak asemtsü asoshi meyipa arua liasü. Pai pa hostel taktang Nehru Hall nung aliba semdang, common room, mess, library tem ajak semdanga senzü ta Chakrabarti-i sa ashi.