Google Chrome, tang tekaraba kümogo

New Delhi, September 06 (Agencies): Google company-i Ita aika parnok meyong Chrome kanga anüa akümba ngur sülen temelenshi ka metetdaktsüogo, koba ajanga nisung million aika temulung asütsü.
Google-i, “Tang nungibo iba browser ya mezüng dang nungi tekaraba asütsü aser tezüngzüngba asütsü,” ta metetdaktsüogo.
Parnoki iba browser nung temelenshi mera kar agiba sülen nungibo RAM tashi amshiba ajema akümtsü aser battery-a talangba amshitettsü.
Chrome ajanga webpage aika lapoker aliba mapang koba page nung mapa meinyaki ali, ibaji pasasa metettsü aser iba mapangji amshia, azünga aliba memory tem merükteter. Anungji ibaji ajanga tang nungibo website memory amshidang noklang nung shilem 10 agi ajema amshitsü. Ano Gmail nungbo tab-i amshiba memory pezüsü lemer kasübo azüngtetja adar, koba ajanga mail kanga kara lapoka amshitettsü, ta Google blog post ajanga metetdaktsüogo.
Blog post nungsa ashiba agi, iba dakji alia browser tamshidak nung ajungbena anenaka mezüng dang nungi tekaraba restore asütsü.