Google dang nungi kü meyong search engine tajungba:Anmol Tukrel

Toronto, August 22, (Agencies): India nunger Canada nung senso, arishi küm 16 tain, kaketshir, Anmol Tukrel-i pa atema search engine ka yangluteta lir aser pai, iba jagi google dang nungi noklang nung shilem 47 agi tajungba telangzüba agütsür, ta ashir.
Kaketshir Tukrel-i iba search engine ya high school project atema aser ‘Google Science Fair’ nung agütsü asoshi yangluba lir, ta pressexaminer.com ajanga metetdaktsü.
Tukrel-i iba search engine yanglutsüba ya Bengaluru, India nung aliba adtech meyong IceCream Labs den tesendaktep maparen kar inyaktepba mapang bilema aruba lir.
Pai iba search engine ya temaba jenjangi ajungkettsü sentong lir.
Tukrel-i, “Tanga search engine temibo tamshir kong mener iba engine amshir iba dakji ajemdaker telangzüba agütsür, ajisüaka pai yangluba search engine yagibo tamshir yimya yimpong dak peta telangzüba agütsür,” ta ashi.
New York Times osangkaket ajanga pa meyong search engine ya küm ka asoshi kecha osangkaket nunga madoki alitsü tenokdangba agütsüogo, ta sangdongogo.
Computer ka, python-language development environment, aser Google o New York Times osang den tesendaktep yua pai iba search engine ya yangluteta liasü.