Google-i Dmitri Mendeleev indang doodle ka enoktsü

February 8, 2016 : Hombarnü Search engine tettsüti, Google-i Dmitri Mendeleev sor küm 182 ajungba anogo bilemteta parnok homepage nung pa noksa ka enoktsü.
Dmitri Mendeleev ya ‘periodic table’ inyakyim ngutetsang lir aser ibaji ajanga nüburtemi pa nem tetushi agütsür.
Mendeleev-i periodic table nung nüngdakbatem tesem shitak nung enoka yutsüba dang masü saka ano iba mapang nung monguteti aliba elements tem tetzüa yutsür ang item elements tem asoshi takdang shitak wazüka yutsü.
Aji dang masü pai ano monguteti aliba elements pongu indang yimya aser koma sür aküm ibaji ngua yutsü.
“Mendeleev-i iba table indang logic amshia, ano mebushiteti aliba ‘gallium aser germanium’ elements tem inyakyim aser koma sür aküm itemji bushitsü merangdanga liasü. Pai tetzüa yutsüba karbo tai liasü ajisüaka pai ngutetba periodic table ya tang tashi chemistry nung tamendakdak süa amshia arur,” ta Google-i ashi.
John Newlands, Alexandre Beguyer de Chancourtois aser Julius Lothar Meyer nungeria iba table nung yarisemogo ajisüaka tenüngsang ajak Mendeleev nem tama agütsür.