Google-i Doodle ka ajanga kentener asür Mukesh nem tetushi agütsü

July 22, 2016 : Search engine Google-i nüngtugu kentener (playback singer) asür Mukesh, sor küm 93 ajungba bilemteta pa nem tetushi agütsüba temaitsü pa nüngtem nung Google homepage nung doodle tasen ka inoktsüogo.
Iba doodle noksa nung Mukesh menerema adoka lir aser pa sülen Raj Kapoor-Nargis Dutt-i yangluba noksa ka lir.
Mukesh nem ‘Raj Kapoor Ola’ ta jaloktsür liasü kechiba süra pai Raj-i shilem agiba film tem nung pa ola ama kensa tentsü. Raj Kapoor-i shilem agiba ‘Mera joota hai Japani’, ‘Mere toote huye dil se’, ‘Jeena yahan marna yahan’, ‘Dost dost na raha pyaar pyaar na raha’, ‘Kisi ki muskurahaton pe ho nisar’, ‘Awara Hoon’ aser ‘Jaane Kahan Gaye Woh Din’ film tem den ano tanga film aika nung Mukesh-i ken tajung aika tenja lir.
Pa Delhi nung aso aser ‘Department of Public Works’ nung mapang tatsüka inyaka liasü. Pa iba mapa nung inyaka lia ken menungoka pa ola tendangtsü tenzük aser lia lia ken kanga junga tenteta akümba den külemi musical instrument balala amshiteta aküm.
Pai mezüngsüa atenba kenji ‘Dil hi bujha hua ho yo’ lir. Iba ken ya pai 1941 küm ‘Nirdosh’ film nung shilem agiba mapang aten. Iba sülen 1945 küm ‘Pehli Nazar’ film nung shilem agisang Motilal atema playback kentener ka ama Aah Sitapuri-i zülua Anil Biswas-i mejemba ken ka tentsü.
Hindi film atema pai mezüngsüa adtenba kenji ‘Dil jalta hai to jalne de’ lir.
Mukesh-i music director Naushad Ali teyari agia pa sasa kenten yimya balala amshi.
Naushad-i mezüngbo pa nem ‘Andaz’ film nung Dilip Kumar atema aser Mohammed Rafi nem Raj Kapoor atema ken tentsü agüja liasü.
‘Anokhi Ada’ aser ‘Mela’ film tem dena Naushad atema pai nüntugu ken aika tentsüogo.
Aji oda süaka iba sülen Dilip Kumar-i pa atema ken atentsü atema Rafi shim anungji pai Raj Kapoor atemasa tentsü. “Rajnigandha’ fim nung ‘Kai baar yuhi dekha hai’ ken atenba ajanga 1974 küm Mukesh-i National Film Award mapang ‘Best male playback singer’ sempet angu.
Pai ano kodanga mamatetba ‘Kabhie kabhie’, ‘Kya khoob lagti ho’, ‘Chand si mehbooba ho meri’, ‘Phool tumhe bheja hai khat mein’, ‘Jo tumko ho pasand’ aser ‘Ek din bik jayega’ temonungratsü kentema tena lir.
Mukesh ya Detroit, Michigan, US nung kenten sentong ka atema oa aliba mapang August 27, 1976 nü temulungjang tashidak agi asü.