Google-i Independence Day nü Doodle ka enoktsü

August 15, 2015: India nüjiso ngur küm 69 ajungba tenüng nung Google-i parnok home page nung Doodle tasen ka enoktsüogo.
Iba doodle nung India nunger nüjiso atema raraba tensa nung, 1930 küm Mahatma Gandhi-i anir Dandi March aoba mapang nüburtem pa sülen anidakba angur.
Mahatma Gandhi dang ‘Linük Tebu’ (Father of the Nation) ta ajar aser pa lenisüba nung March 12, 1930 nü nungi British nungeri India nunger metsü shishilembaba amokbanga yur saru tali meshiba anendaktsütsü asoshi Dandi March ya tenzüka liasü.
Iba sülen Indian National Congress (INC) ajanga January 26, 1930 nü ya India nungeri linük nüjiso anguba anogo (Poorna Swaraj) ta sangdonga liasü.
India nunger 1947 küm nüjiso ngur sülen küm 69 ajungba tenüng nung Leon Hong-i iba doodle ya design süa enoktsü.