Google-i India kübok railway station 400 nung WiFi angati agütsütsü

Bengaluru, September 12 (Agencies): America nung tentetba multinational technology telok, Google-i Indian Railways den külemi lungjemer ‘Project Nilgiri’ ta ajaba India nung tentetba railway station 400 tashi nung Wi-fi angati agi agütsütsü mapatong ka tenzükogo.
Google teloki US nung alirtem nem internet agütsüba, Fiber technology amshia iba mapatong ya inyaktsü renema lir.
Iba mapatong ya mapa küma inyakba sülen internet amshirtemi mezüngbuba minute 30 internet kanga kara angutsü saka iba sülenbo internet speed-ji tajemba akümtsü.
India ajunga nung train nung senzürtem nem tanen makai internet ngudaktsütsü nükjidong nung Google aser Indian Railways nati külemi lungjemer teshimtet railway station noklang pezü nung WiFi hotspots renemtsü tenzüka lir.
Ajisüaka, iba mapatong indang mezüngbuba shilema ita 4 süir külen ang mapa küma inyaktsü ta Google teloki metetdaktsüogo.