Google-i küm 16 buba nung parnok logo melener

San Francisco, September 02 (Agencies): Google-i parnok meyong logo nung aliba sentsü memelener saka ojangtem tera polunga kümdaktsütsü asoshi “Product Sans” font agi melenogo.

Parnoki logo tejenba küm 16 tashi memelenshii amshia aruba sülen tan ya mezüng melenerba lir.

Tech company-i, par company tenteter küm 17 tsüngda nung temelenshi aika adokogo aser tanüa iba nungji densema logo tera melenshir, ta company-i parnok blog nung ashiba Efe-i metetdaktsü.

Company nung terenlok aser temelenshitem reprangtettsü asoshi YouTube video-a ka enokja lir. Iba video nung Google meyong search engine mezüng tenzükba, Gmail, Chrome browser aser high-definition Google Earth map tem tenzükba keta lir.

“Onoki temelenshi tasen agiba ya tan mezüng masü aser tatembanga masü, ajisüaka tan melenshiba ya ajanga Google-i nüburtem asoshi bilemba tali jungai adoka sayur ta bilemer,” ta company-i parnok blog ajanga metetdaktsü.

“Onoki tan logo melenba ya tesüiba mapang aliba dang nungi tajungba ta bilemer aser iba ya tarutsü asoshia temelenshi tajung ka asütsü,” ta company-i ashi.