Google-i London nung ‘driverless cars’ tendangtsü

London, February 7 (Agencies) : Internet giant Google-i kobi melii London nung ‘driverless car’ tendangtsü.
Google-i United States adena orr tanir maliba gari tendangbaji iba ya mezüngbuba asütsü, ta Independent osang ka ajanga metetdaktsü.
London nung Deputy Mayor for Transport, Isabel Dedring-i Google ketdangsertem den ajurutepa iba dak sendakba onük atema jembishinüogo.
“Yimti tulutem nung joko iba ya mapa küma aotsü, anungji asenoki tendangtsüla. Parnoki United States dak tenük yoka mapa inyaker ta Google-i metetdaktsü, saka tang parnoki tangalen nunga inyaktsü atema bilemer. Iba jagi onoki parnok ketdangsertem den London nunga tendangtsü atema ajurutepogo” ta Dedring-i osangbener dang ashi.
Yaküm Google-i steering wheel mesüra brake pedals maliba driverless car osang yimjak nung metetdaktsü. Iba gariji on-board computers aser sensors ajanga dang anir senzür.
Parnoki iba gari 100 jungnüa yanglutsü aser tendangtsü ta Google-isa metetdaktsü.