Google-i Picasa shibanger

San Francisco, February 13 (Agencies) : Google-i taoba küm lapokba ‘Google Photos’ nung temulung agütsütsü atema ‘Picasa’ shibanger, ta metetdaktsüogo.
“Inyakyim ka nung dang temulung bendanga agütsüba ajanga mapa tapu aika inyakteta nüburtem ajangzükdaktsütsü onoki amanger. Product ana nung temulung agütsüba dang nungibo ka nung nendaka inyakbaji, ajak asoshi tajangzük asütsü,” ta Google Photos nung tekolakba Anil Sabharwal-i ashi.
Nüburtemi online nung Picasa amshia enokba noksa ajak Google Photos ajanga reprangtettsü, anungji noksa enoka alirtem shisa mebulutsüla, ta Sabharwal-i ashi.
Ajisüaka Picassa nung noksa amshiba yimya memelenshinürtemi pei Picassa album nungi noksa agizüktettsü mesüra entoktettsü. Aji oda süaka Google-i Picassa software joko update masütsü aser tamshirtemi noksa tasen meinoktettsü.
“Iba temelenshi ajanga timtem agütsüba atema mejashidaktsüner kechiba süra iba temelenshi ajanga noksa amshiyim nung tajangzük tajungba agütsütsü teimla nung onoki iba temelenshi bener arur,” ta Sabharwal-i ashi.
Pai, “Google Photos ya inyakyim tasen aser tejenba dang nungi tajungba lir,” ta shisem.

You must be logged in to post a comment Login