Google indang Nexus phone India nung ayoktsü

New Delhi, October 3 (Agencies): Linük nung iPhones tasenba sayatsü anogo ana nü lia, internet tetsüdi Google meyong tan tasen sayaba Nexus smartphone tem India nunga October 10 nung 14 tsüngda nungi ayok tenzüktsü, ta osang ka ajanga metetdaktsüogo.

Osang ajangasa ashiba agi, tan tasen sayaba Nexus smartphone tem -sen 32,450 alang Huawei Nexus 6P aser sen 24,650 alang LG Nexus 5X phone tem ya October 13 nü sayatsü sentong lir.

Iba mera agiba ya Ato Kilonser Narendra Modi-i US ananü semdanga kazür aruba ajanga südi ta bilemer kechiba süra pai iba mapang Google nung chief executive tasen shima alisang India nunger, Sundar Pichai den ajurutepa liasü.

Pichai-i Ato Kiloner den majurutep dang aser ajurutepdang Digital India aser Skill India inyakyim nung Goggle-i India nungittsü, ta shiogo.

Tang India nung ayoktsü aliba phone tem ya Google-i September 29 nü San Francisco nung saya aser ashiba agi, item phone tasen nung 1.55 micron pixels camera sensor dang tuluba Type-C USB, fingerprint sensor keta lir aser Android operating system tasenba, Marshmallow enokja lir.

Nexus 6P nung aliba inch 5.7 screen nung 1,440 pixels resolution den inch shia 518 pixels agi nungita lir aser phone tesülen megapixel 12.3 camera enokja lir. Camera nung f/2.0 aperture aser laser auto-focus keta lir.

LG Nexus 5X nung 64-bit Snapdragon 808 processor den 2 GB RAM enokja lir. Iba phone nung aliba 1,080 pixels screen kümzüktsü asoshi Gorilla Glass 3 keta lir aser tesülen 12 megapixel camera enokja lir koba agi 4K resolution video-a tangoktetter. LG Nexus 5X phone nung 2,700 mAH battery ajanga tashi agütsür.