Google SMB Heroes 2017 takokertem sangdongogo

July 26, 2017 (Agencies): Tanü Google India ajanga SMB Heroes 2017 takokertem sangdongogo.Item takoker tem ya Business Impact Through Digital atema Farida Gupta, Impacting Changes Through Digital atema Shantanu Pathak aser Aditya Kulkarni aser Woman Business Leader atema Arpita Ganes nungertem lir.
Digital Unlocked campaign nung shilem ka ama Google SMB Heroes 2017 ya technology balala amshia shishilembaba nung terenlok angur tem bushitetba lir.
January ita nung Google CEO, Sundar Pichai ajanga ‘Digital Unlocked’ indang sentong ya sangdonga liasü aser iba sentong ya B-school ISB aser FICCI den külemi lungjemer tenzük. Iba den külemi Pichai-i ‘My Business’ tenüng nung website ka lapokba metetdaktsü aser iba ajanga shishilembaba tila alirtem asoshi minute 10 tsüngda nung website lapoktsür. Digital Unlocked sentong ajanga SMB tem nem digital skill agüja online nungi internet tashi amshia shishilembaba nung renloka odaktsür.
Iba sentong nung ajemdaker Google ajanga online, offline aser mobile training tem India nung agütsür. Offline training ya FICCI den külemi longjemer taoba ita trok tsüngda nung nisung 500,000 nem skilling platform agütsü aser shishilembar nisung 20,000 nem training balala agütsü.
Iba den külemi Google ajanga Primer saya, iba ya free mobile app ka lir aser iba ajanga digital marketing skills sayur. Iba app sayar ita ishika tsüngda million ana dak tali download süogo.
Maneni Google ajanga ‘Websites with Google My Business’ saya aser iba ajanga SMB temi mobile optimised website tem angati lapokteter/. Iba feature tasenba ajanga shishilembartemi Google My Business nung aliba data yanglushitsü akoker. Websites with Google My Business SMB temi Tamil, English, Hindi, Bengali, Telugu, Marathi, Urdu, Gujarati, Kannada, aser Malayalam oshi tem nung website yanglutsü akoker. Websites with Google My Business ya India nunger shishilembar 160,000 dak tali-i amshitar.
“Small business sector ya India rongsenketsüng nung nüktang ka lir aser iba ajanga linük indang GDP shilem 37 agütsür aser nisung million 120 nem mapa agütsür. Google indang SMB Heroes sentong ajanga linük nung SMB renlokdaktsüba nung tongti shilem agir aser rongsenketsüng tajungba kümdaktsür,” ta Ministry of Electronics & Information Technology nung Secretary, Ajay Sawhney-i ashi.