Google tenzüker küm 17 jungogo

New Delhi, September 27: Online search engine rongnung tetsütiba, Google tenzüker küm 17 ajungba temaitsü parnoki Google home page nung temonungratsü doodle ka enoktsüogo.
Google lapoka amshirtemi home page nung plastic PC, lava lamp aser 1998 küm Google logo asüba “Google!” indang doodle ka enokja angutsü.
Kasa doodle nung CRT monitor tesülen nungi Linux penguin ka angoteta adoka angutsü koba ajanga google indang mezüng home page bilemtetdaktsür aser iba anasaji server ka Lego bricks agi yangluba ka amena lir.
Küm 17 ajungba benjungmung temaitsü balloon-a ana enokja lir.
Larry Page aser Sergey Brin nati 1998 küm Menlo Park, California nung gari anena ayuba ki ka nung Google mezüng tenzükba sülen taküm küm 17 ajunger.
Google tenzüker 2002 nung küm pezü ajung küm nungi küm shia iba tenzükba anogomung nung doodle tasen ka ka enoktsür.