Gospel kentener Carman-i Trump aser Election indang ken sayatsü

January 13, 2017: Gospel kentener, Carman Licciardello-i pa sapurtem dang, pai US Tir atema shima alisang, Donald Trump aser election indang ken tasen ka sayatsü, ta metetdaktsü.
ChristianToday.com osang ajanga ashiba agi, cancer tashitak nungi sayatenya agi taneptsü angusang, Carman-i Facebook ajanga pa sapurtem dang, pa tasoba anogo, January 19 aser Trump tenangzükba agitsü anogo ka lia pai ken tasenbaji sayatsü, ta metetdaktsü.
“Teüiba küm ishika ni cancer tashitak den raraba mapang aser küm 14 sülen kentenba sabangi atuba piyong nenoki ni nungita aruogo. Ibayongji ni nenok atema langka inyaktsüner,” ta pai ashi.
“Iba ken nungji nenoki kechisa inokdaktsüner, nenoki ibaji shiang. Nenoki osang channels reprangogo aser aika ajangshiogo. Anungji shilem agiang aser iba ya külemi inyakdi. Tsünglanglen nenoki pei tebilemba lemsatepang aser ken tasenba nungji ni akok tashi inoksemtsü merangtsü,” ta paisa shisem.
Paisa, pai teti inyaka aruba ama video ji tongmelang asütsü aser acoustic guitar ka dang atemtsü, ta ashi.
Carman-isa yimtenren party anapronglai iba kenji meimtsü imlar, ta shisem.