Governor Acharya-i Holi salem abener

Dimapur, March 20 (TYO): Nagaland Governor P.B. Acharya-i Nagaland nung alirtem den külemi linük ajunga dangi Holi salem metetdaktsü.
Holi ya India’er benjung lir anungji nüma tangang aser Holi benjung nung shilem agiang. Iba ya sentsütem indang benjung lir aser iba benjung janga yimjung aser azükaru prokshir, ta Governor Acharya-i ashi.
“Holi sentsütem ajanga pei mulungjang lemladakjang aser temeim agi süngdakjang. Setsütem indang benjung ajanga nübortem tsüngda tesentaktep akangshitsü aser telongjem adokdaktsütsü imlar. Iba benjung ajanga loktiliba nung yimjung, tepela aser temeim adokdaktsütsü imlar” ta paisa metetdaktsü.
Holi benjung ajanga tajungi temenen madak takok anguba kuli sayur. Anungji Holi benjung ajanga Nagaland nung loktiliba akangshitsü aser tatok agütsütepba den tesentaktep akangshitsü mepishir, ta Governor Acharya-isa ashi.