Governor Acharya-i ‘My Northeast App’ sayatsü

Dimapur, Metsüremi (March) 16 (TYO): Metsüremi (March) 16, 2018 nü Nagaland Governor, P. B. Acharya-i My Northeast App sayatsüogo.
St. Joseph College, Jakhama nung Acharya-i My Northeast App sayatsü. Iba app nung jobs, education aser infotainment indang osangtem angutsü.
Linük ka renloktsü atema shisaliok ajanga tashi aitba ya kanga tongtipang lir. Kaketshirtemi tali angazüktsü merangtsüla aser iba app ajanga nenok tajangzük angutsü imlar, ta Acharya-i ashi.
Iba app sayaba mapang Higher Education Director, Kuholi Chishi-ia kaketshirtem dang iba app amshitsü aser tajangzük agitsü atema ayongzük.
My Northeast App CEO, Prakash-i app indang temetettsü metetdaktsüdang, northeast kaketshir aika osang shitak manguba ajanga maongkatem magishir ta ashi.
Iba app ajanga international/ national entrance exams & scholarships, local, corporate & government job details osangtem angutsü aser anoi call centre ajanga ajanga telangzübatem langzütsü, ta Prakash-isa shisem.
Iba sentong nung Faith Harvest Church, Kohima nungi Rev. Hopong Kip-i temoatsü meshia sarasadem, St. Joseph College Principal Rev. Dr. Sebastian Ousepparampil-i tesentepertem pela agizük aser Noyingbeni Ngullie-i anküp tepela o jembi.