Governor Acharya-i Nagaland Medical College semdang

Dimapur, June 25 (TYO): June 25, 2019 nü Nagaland Governor PB Acharya den Health & Family Welfare Minister Pangnyu Phom, Principal Secretary H&FW Himato Zhimomi aser H&FW department ketdangsertemi Nagaland Medical College yangluba tesem semdang.
NMC ya Phriebagei, Kohima nung yanglur aser tanü Governor Acharya-i iba mapa meilungi inyakba atema tebilemtsü abenba olen ka lemsatep.
Mapang lateta aliba tsüngda Medical College tembanga yanglutsü atema Department-i meranga inyaktsüla, ta paisa ashi.
Tanü consulting agency-i Acharya dang college indang osang lemsatep aser mapang shitak nung tembangtsü atema merangdar ta ashi.
Governor Acharya-isa department aser consulting agency dang iba college indang full report ka agütsütsü atema tetuyuba agütsü.