Governor Acharya-i Pune nung Naga kaketshirtem den ajurutep

Dimapur, Rongjui (TYO): September 28, 2018 nü Nagaland Governor PB Acharya-i Naga students’ Union, Pune nung züngsemtem den ajurutepa sensaksem.
ELTIS, Symbiosis Pune nung agiba sentong nung Governor Acharya-i jembidang “zünga metetertemi loktiliba tashitaitba kümdaktsür, kechiyong graduates telok kati loktiliba tenzüker saka tajemba agir” ta ashi.
Kaketshirtem züngtemba sülen pei state-i meyia arur lokti tenzüktsüla. Kaketshirtemi pei tetsü oshi angazüktsüla aser Naga nunger sobaliba takar tajungba kümdaktsütsü atema sobaliba sentongtem nung shilem agitsüla, ta paisa ayongzük.
Governor-i parnok den ajurutepa sensaksemba atema Naga Students’ Union Pune President, Lulu N Lohe-i telok tenüng nung pelaba metetdaktsü.
Pune nung alirtem den tangalen nungi Governor kati arua ajurutepa sensaksembaji tang mezüng lir, ta taoba President & Advisor SK Souriio Hitler-ia ashi.