Governor Acharya-i Sukrunye salem metetdaktsür

Dimapur, January 14 (TYO): Nagaland Governor, PB Acharya-i Chakhesang nunger dangi Sukrunye benjung salem metetdaktsü.
Chakhesang nungertem asoshi Sukrunye benjung ya tongtipang benjung ka lir aser iba ama benjungtem ajanga nisung ka asüngtetshir, ta Governor Acharya-i ashi.
Sukrunye benjung mapang nisungtemi Tsüngrem dang pei tanüla moatsütsü aser meshitettsütsü atema sarasademer. Iba benjung ya telongjem adoktsü atema tetenzükdak ka südakjang. Jila aser yimtsüngtem nung nisung ajak putepa alitsü aser state ajungalen renloktsü atema nübortem longjemtsü ayongzüker, ta paisa metetdaktsü.
Sukrunye benjung ajanga Chakhesang nunger dang masü saka Naga nunger ajak nem yimjung, telongjem aser azükaru bentsür arujangma, ta Governor Acharya-isa shisem.