Governor Acharya-i tanurtem film benjung nung aden

Dimapur, Mongputeni (October) 12 (TYO): State Academy Hall, Kohima nung tang temungdak Children’s film Bonanza anogo pezübuba nung Governor, PB Acharya-i shilem agi.
Governor, P.B. Acharya aser pa kinungtsü nati tanurtem film benjung nung aden aser ‘Nani Teri Morni’ film reprang. Iba film ya National Bravery Award angur, Mhonbeni Ezung indang taküm otsü nung ajemdaker yangluba lir.
Kohima aser temeket nung aliba sorkar aser nija school tem nungi kaketshirtema tanü iba benjung nung aden.
October 12, 2018 nü sayuba film tem ji Akash Aditya Lama-i direct asüba ‘Nani Teri Morni’; Mohinder Pratap Singh-i direct asüba ‘Ek Tha Bhujang’; Rajan Khosa-i direct asüba ‘Gattu’ aser Zuala Chhangte-i direct asüba ‘Kima’s Load, beyond the class’ film tem liasü.
Benjung anogo pezübuba nung Directorate of Information & Public Relations (DIPR)-i adokba Disasters Awareness, Mobile Etiquette, and Rules & Ethics of driving sayu.
October 13, 2018 nü Nani Teri Morni, Pinti Ka Sabun, Gilli Gilli Atta aser Karamati Coat film tem sayutsü.

You must be logged in to post a comment Login