Governor & CM-i Eid al-Adha salem metetdaktsü

Dimapur, August 12 (TYO): Nagaland Governor N Ravi aser Chief Minister Neiphiu Rio nati Hombarnü Eid al-Adha salem osang metetdaktsü.
Iba benjung ajanga loktiliba nung tesentaktep tashi itdaktsütsü aser nisungtem akangshiteptsü imlar, ta Ravi-i ashi.
Rio-i Eid amungertem dang salem osang lemsatepdang ‘temeim aser yimjung’ nung amungtsü moatsü.
Tanü Nagaland nung Muslim nungertemi kanga dang longsoa Eid-al-Adha mungogo.
State yimtiba nung parnok Kohima Local Ground nung adenshi aser peshemam Moulana Bilal Ahmed Choudhury-i anir namaz asü.
Dimapur nunga Muslim nungertem DDSC stadium anasa aliba Idgah ground nung adenshia benjung mungogo.