Governor-i Sesino nem tenüngsang agütsü

Dimapur, Rongchii 17 (TYO): National Film Awards 2018 nung Best Environmental Film sempet ngutetba asoshi ‘The Pangty story’ film director, Sesino Yhoshu nem Nagaland Governor, PB Acharya-i tenüngsang agütsü.
Sesino Yhoshu dangi yokba osang ka nung Governor-i, National Award ajanga alima tzü mopung wazüka ayutsü asoshi merangba aser nüburtem ajungshiba jangjashitsür, ta ashi. Iba sempet anguba ajanga Sesino aser lar teloki Nagaland nung nüburtem dang tzü mopung, shiruru aser ozüsangnu kümzüka ayuba nung tali ajungshitsü imlar, ta Governor-isa metetdaktsü.
Tarutsü anogotem nunga Sesino aser lar telok indang wadang nung takokba ngudakjang, ta Governor Acharya-isa metetdaktsü.