Governor R N Ravi-i Covid vaccine agiogo

Dimapur, March 2 (TYO): Nagaland Governor R N Ravi-i Mongulbarnü AIIMS New Delhi nung Covaxin agiogo, ta PRO to Governor-i sangdong ka nung metetdaktsü.
Covaxin nung lendong kecha mali aser nisungtemi Covaxin mesüra Covishield vaccine mashii ka agitettsü. India nunger scientist temi meimchir nem sempet tajung agütsüba atema Governor RN Ravi-i pelaba metetdaktsü, ta sangdong nungsa shia lir.
Tesüiba küm ka shi alima nung wara tulu agi kangshia arudang India nung vaccine yanglutetba atema senso shia nüma atangtsüla. India ya alima nung vaccine yangludak tongtiba lir. Nagaland nung alirtemi vaccine agitsü aser linüki COVID 19 samadaktsüba nung yariteptsü imlar, ta RN Ravi-isa ashi.