Governor Ravi-i Sekrenyi salem metetdaktsür

Dimapur, February 24 (TYO): Nagaland Governor, RN Ravi-i Nagaland nunger alirtem aser talisa Angami nunger den Sekrenyi salem osang lemsatepogo.
Sekrenyi benjung ya Angami nunger ka küma longjemba aser tamajung alibatem meshitetba mapang ka lir, ta Governor Ravi-i ashi.
Sekrenyi ama benjungtemi, yimtsüngtem nung mesüra pututem süia arudang nübortem longjema yutsür, ta paisa ashi.
Angami lanurtemi Sekrenyi indang sobaliba aser tesayuba sülen anidaktsü ayongzüker, ta Governor-isa shisem.