Governor RN Ravi-i Union Minister den ajurutep

Dimapur, August 27 (TYO): August 27, 2019 nü New Delhi nung Nagaland Governor RN Ravi-i Minister for Civil Aviation, Hardeep Singh Puri den ajurutepa senden ka amen.
Iba mapang Ravi-i Minister Hardeep dang Nagaland-i linük aser North East tesem nung air connectivity junga maliba indang khuret lemsatep.
Governor Ravi-i Minister dang tekaratiba nung UDAN scheme kübok Dimapur – Guwahati, Dimapur- Imphal and Dimapur- Dibrugarh air services tenzüktsü atema mepishi.
Iba atema Minister Hardeep Singh Puri-i Ministry aser Airlines ketdangsertem nem tetuyuba agütsü aser taküm October tashi nung flight services tenzüktsü ta nangzük.