Governor Yadav-i Integrated AYUSH Hospital semdang

Dimapur, July 10, 2026 (TYO): Nagaland Governor Nand Kishore Yadav-i July 10, 2026 nü Chedema nung AYUSH Hospital semdangogo.

Iba mapang Governor Yadav-i doctors, nurses, paramedical staff aser tanga ketdangsürtem den ajurutepa sensaksema liasü.

Governor-i healthcare mapa inyakertem dang healthcare services tajungba agütsüba atema tenüngsang agütsü.

Iba mozü kidang inyaker ajaki iba reju ya Nagaland nung alirtem asoshi taneptsü aser teimla angudak kümdaksüba atema tenüngsang agütsür ta paisa ashi.

Integrated AYUSH Hospital ya March 4, 2022 nü lapok aser linük nung mozü ki tasembuba lir. Iba ajanga sorkari holistic aser integrative healthcare ajungkettsü tenangzükba sayur ta Governor Yadav-isa ashi.

COVID-19 wara mapang iba mozü ki ajanga tongti shilem agia liasü aser ibaji Nagaland nung mezüngbuba designated COVID-19 Hospital inyakba liasü. Alima nung tayongzükba tulu ajuruba mapang iba mozü ki ajanga healthcare services tongtipang agüja liasü ta Governor-isa metetdaktsü.

AYUSH system ya kanga tongtipang lir aser iba ajanga modern healthcare den preventive care, holistic wellness aser healthy living nung yariteper. Integrated AYUSH Hospital ajanga accessible, affordable aser patient-centric healthcare services agütsür ta paisa ashi.

Iba senden nung ketdangsürtemi 50-bedded Integrated AYUSH Hospital indang osang lemsatep.

Iba hospital ya March 4, 2022 nü Union Minister of AYUSH Sarbananda Sonowal-i lapokja liasü. Iba hospital ya Razha Chedema nung lir aser temeket yimtsüng 8 nung alirtem yarir.

Integrated AYUSH Hospital nung medicine system asem- Ayurveda, Yoga & Naturopathy, aser Homoeopathy lir aser staff 43 lir ta ketdangsürtemi Governor dang ashi.

June 2026 tashi nung iba hospital nung OPD consultations 10,050 aser in-patients up 560 yariogo ta ketdangsürtemisa ashi.

Iba hospital ajanga Ayurveda & Homoeopathy mozü angati agütsür, jenjang dalang agi laboratory services agütsür, Panchakarma therapy, naturopathy treatment, clinical yoga sessions, aser emergency care agütsür.