Governor’s Young Fellowship Program atema tenüng meshir

Dimapur, September 23 (TYO): Governor’s Young Fellowship Program nung shilem agitsü atema Nagaland Angh indang office-i Nagaland nung graduates tenüng meshir.
Iba atema tenüng agütsürtemji development, public service aser technology dak sendakba onüktem jangrartem asütsüla. Angh-i Nagaland renloktsü atema alizüng ayuba nung Governor’s Young Fellows nem shilem agidaktsütsü, ta PRO to Governor-i tanü sangdong ka nung metetdaktsü.
Governor’s Young Fellowship Program ya lanur lennirtem anitettsü, tashi itdaktsütsü aser tarutsü nung tuluba lenisütsü atema parnok renemtsütsü atema lir.
Iba atema tenüng agütsürtemji India senso asütsüla aser Economics/Public Policy/Mass Communications nung Master’s Degree mesüra Engineering & associated fields nung Bachelor’s Degree alirtem asütsüla. Parnoki küm kabosa mapa inyakdanger asütsüla aser Young Fellows nem ita shia Rs.50,000 agütsütsü aser parnok Kohima nung dang alitsüla, ta PRO-isa metetdaktsü.
Iba dak sendakba osang tejangja metetnürtemi www.rajbhavan.nagaland.gov.in nung angutsü, ta PRO to Governor-isa ashi.