Govt. Polytechnic Peren nung design course admission tenzüker

Dimapur, Chiteni/July 28 (TYO): Interior design nung küm ka certification atema Government Polytechnic Peren nung July 29, 2024 nü admission tenzüktsü aser August 12, 2024 tashi alitsü, ta sangdong ka ajanga ashi.

Iba programme nungya Residential design, Commercial design, software design, project management aser client interaction amala course tem agütsütsü.

Government Polytechnic Peren ya Directorate of Technical Education kübok aser State Council for Technical Education Nagaland-i approve süa lir. Iba reju ya 2021 küm amenok aser technical education tsütsü diploma programme balala agütsür. Yangi tesayurtem ya takotet nisungtem lir aser facility tasen aliba ajanga kaketshir temi tanü tendak takok angutsüsa angazüker.

Osang tali tejangjaba metetner temi mobile number 6003082358/ 8014811621 nung jembitettsü mesüra http//gppnagaland.co.in nung email sütettsü, ta sangdong ajanga ashi.