Govt School Changki agi Dr. T Ao ta melentsü benoker

Kohima, September 14 (TYO): Principal Director, School Education, Smita Sarangi, IAS-i sangdong ka ajanga, sorkari Government School, Changki, Mokokchung ya football asayar nüngtugu, Dr. T. Ao sor küm 100 ajungbamong tenüng nung pa nüngtem nung ajatsü benokogo, ta metetdaktsü.
Anungji iba nungji tashishitsü kar danga lira, iba sangdong agütsüba anogo nungi tenzüka ita ka tsüngda benoktsü atema nüburtem dang sangdonger, ta kasa sangdong nungsa shia lir.