Govt. School kaketshirtem nem senpet agütsütsü

Dimapur, Rongjui/September 25 (TYO): Government of Nagaland, School Education Department-i Children Education Assistance Fund (CEAF) benokba yimya melenshitsüogo, koba state kübok Govt. Schools tem nungi Education jenjang ana nung competitive Examination nung temaba jenjang nung takok angurnem agüja liasü. Taküm nungi tenzüka iba ya Nagaland Government School Students Meritorious Award (NGSSMA) ta nüngja melentsütsü. Iba sentong kübok temsüa aliba kaketshirtem nem khen atema senpet agütsütsü, ta DIPR sangdong ka ajanga metetdaktsü.
Iba award ya final Examinations jenjang asem nung kaketshir tajungtiba nem agütsütsü.
(a) Primary School leaving Certificate Examination (PSLCE) award ya Sub-Divisional Education Officer (SDEO) Block ajak kübok kaketshir tajungtiba 10 nem agütsütsü. Kaketshir shia nem sen 5,000 agütsütsü.
(b) Elementary School Leaving Certificate Examination (ESLCE) award ya SCERT-i achaayanga agiba final Examination dak ajemdaker District Education Officer kübok temaba jenjang nung takok anguba kaketshir 5 nem agütsütsü. Kaketshir shia nem sen 10,000 agütsütsü.
(c) High School Leaving Certificate Examination (HSLC) award ya Nagaland Board of School Education (NBSE)-i achaayanga agiba tatidang nung Govt. Schools tem nung kaketshirtem rongnungi temaba jenjang nung takok angur parnok asem nem agütsütsü. Mezüngbuba jenjang nung takok angur nem sen 30,000, tanabuba nem 20,000 aser tasembuba nem 10,000 agütsütsü.