GPRN ajanga Asür Lisechum Sangtam asükhu lemsatep

Dimapur, Yimpoksüi/Nov. 19 (TYO): Tuensang nungi Kilonser Lisechum Sangtam, ajungbena November 18, 2021 nü asüba atema Government of the People’s Republic of Nagalim (GPRN) ajanga mang ayimer aser tejashi lemsateper, ta M. Daniel Lotha, Kilo Kilonser, GPRN ajanga sangdong ka nung ashi.

Pa ya United Sangtam Region kübok Chungtor yimtsüng nungi lir. Pa ya Naga linük tenzükba wadang nung 1990 küm tenüng züluoka liasü.

Pai tasünü tashi manokshiba tanüla nung Naga lima tenzüka liasü. Pa asüba ajanga tawa adokdaktsüba kanga jangja metettsü, ta ashi.

Tang mangyim tejashi agi sünger aliba mapang GPRN ajanga mangyimer kibong asoshi sarasademtsür aser asükhu lemsateper. Pai linük tenzükba wadang nung tsüngnep yutsüba teti alitsü aser pa ya chichiba Naga nunger meimba nisung ka ama züngshitsü, ta ashi.

Pa tanüla teti tatem makaba kidang tesunep nung anisüngzükjangma, ta GPRN sangdong ajangasa ashi.