GPRN Chaplee Affairs Kilonser tasen shim

Dimapur, Mongputeni/October 24 (TYO): Government of the People’s Republic of Nagalim (GPRN)-i tepela nung Mongputeni/October 23, 2018 nungi Wb. Chuba Pongener Ministry of Chaplee Affairs nung Kilonser tasenba asutsü, ta sangdonger; pai Wb. Medo Angami melenzüker, ta GPRN MIP sangdong ka ajanga metetdaktsü.
Mongputeni/October 23, 2018 nü CHQ Hebron nung Farewell-cum-Handing & Taking Over program agiogo aser iba sentong nung GPRN tongti ketdangsertem dena liasü.
“GPRN-i taoba Chaplee Kilonser-i Government atema mapa tulu inyakba atema pa dang pelaba lemsateper aser takok ngua kümsük tembanga inyakba atema pa nem tenüngsang agutsür. Iba dak alia GPRN-i Chaplee Kilonser tasenba pelaa agizüker aser pai melenzüksangi junga inyakba ama pai inyaktsü imlar, aser pa mapa tasenba nung ajemoka inyaktsü atema pa atema tajungtiba bilemtsür,” ta kasa sangdong nung shia lir.