GPRN-i asükhu lemsatep

Dimapur, Monupii/May 17 (TYO): Corporal (Posthumous) Yemlongchaba Lumou (Naga Army number 43611/15) mapang talangka shiranga aliba sülen May 17, 2020 nü asüba osang angazüka Government of the People’s Republic of Nagalim (GPRN) temulung koremba sangdong ka ajanga metetdaktsüogo. Yemlongchaba ya Y. Chingmak’er jabaso liasü, pa Chang Region kübok Tuensang yimtsüng nungi Yambamo Brigade, Naga Army nung züngoksema liasü. Pa Naga lima tenzüktsü asoshi 2015 küm August ita 13 nü züngoksem.
Pai pa masü tashi Naga lima masetshi tenzükogo. Pa asüba ya tesasatsüka aser pa melenzüktsü asoshi tasak asütsü. Pai Naga nunger asoshi bendanga agüja tenzükba atema pa tenüng Naga nunger puti otsü nung teti tetshitsü aser pai Naga nunger atema bendanga agüja inyakba teti menungraa bilemtettsü.
GPRN-i asür kinungertem den asükhu lemsateper aser Tulusang Tsüngremi pa tanüla tatem makadak tesunep nung anisüngzükdakjang ta sarasademtsür, ta MIP, NSCN/GPRN sangdong ka ajanga metetdaktsü.