GPRN-i asür Imtilepden Jamir mang ayimer

Dimapur, December 13 (TYO) : December 12, 2016 nü Eden Medical Centre, Dimapur nung Steering Committee züngsem Imtilepden Jamir shirang yipden nung taküm samaba osang angashidang kanga sasar aser temulung raksar, ta GPRN Cabinet Office-i asür kinungtsü Mrs. S. Akumla dangi züluba shidi nung shia lir.
Tsüngremi asür Imtilepden Jamir Pa den alitsü atema anir aoba atema pelar saka pai akümli toktsür aoba atema kanga sasar, ta Cabinet Secretary, D.G. Robert-i shidi nung metetdaktsü.
Asür Mr. Imtilepden Jamir-i 1994 küm Linük Tenzükba wadang nung ajemok aser menden balala nung kanga dang temulung agüja aser nendaka inyaka aruogo. Naga Linük-i pai inyakba mapa tajungtem teti bilemtettsü. Tulusang Tsüngremi asür kibong nem tashi aser tesünep agüjang ta sarasademtsür, ta Cabinet Secretary-isa ashi.