GPRN-i ‘Employee Tax’ 12% dang agitsü

Dimapur, April 22 (TYO): Naga nunger khuret angateta GPRN Collective Leadership indang office-i Nagalim ajunga nung Employee Tax 24% agiba nungi 12% (itasen nung 1%) ajemtsü telemtetba agi, ta MIP sangdong ka nung metetdaktsü.
Maneni, “dealership” inyakyim nung saru agiba ajak anener, ta parnokia ashi.
Anungji, iba dak sendakba nung tebilemtsü abenba nisung ajaki yariteptsü mepishir, ta MIP sangdong nungsa metetdaktsüogo.