GPRN-i Maj. (Retd) Tadingpou mang ayimer

Dimapur, May 16 (TYO) : May 15, 2016 nü Zeliad(ZLR) Region nung Tatar, Maj. (Retd) Tadingpou Gangmei iba akümli toktsür aoba atema mang ayimer, ta S. Among Lim, Secretary GPRN-i sangdong ka nung metetdaktsü.
Asür Maj. (Retd) Tadingpou ya February 15, 1930 nung aso aser 1950s mapang nungi pai linük tenzükba wadang nung tetsüng ajemok. Pa March 2, 1956 nung NNC nung aden aser 1958 küm Inspector Border Intelligence jenjang nung ajungket. Iba sülen pa Executive Officer 1st Brigade jenjang angu aser August 2006 nung Tatar asütsü shim, ta sangdong nungsa shia lir.
Pai bendanga agüja linük tenzükba kodanga mamatsü aser iba asüku mapang par kibong nem anisüngzük agüjang ta Tsüngrem dang sarasademer, ta S. Among Lim-isa sangdong nung ashi.