GPRN-i mang ayimer

Dimapur, May 05 (TYO):  Zunheboto nung MKA Deputy Secretary aser CSD ketdangser Wb.Hukaito Sumi ajungbena aser anojungi iba lima nungi pilaa aoba osang angashia kanga jashir aser asür kinungertem den mangyim jashi lemsateper, ta Govt of the Peoples’ Republic of Nagalim (GPRN)-i metetdaktsüogo.
Asür Hukaito ya NSCN nung 2005 küm October 20 nü sepai asütsü shim aser 2010 küm 2nd lieutenant nung lia mapa nungi pasasa anen. Ajisüaka, iba sülena pa civil set up nung inyakdaktsü. Pai temulungtetba tulu aser shisatsü temerük agi linük tenzükogo, ta GPRN  nung Secretary, Wb. S. Amongi metetdaktsü.