GPRN-i mangyim lemsateper

Dimapur, Monupii/May 03 (TYO): Nikuto Village, Zunheboto District nungi Lt. Xekuzhu Sumi’er jabaso Leacy (Union Territory-I), Lt. Xuvito Sumi mapang talangka shiranga aruba sülen May 2, 2019 nü ajungbena asüba atema GPRN-i mangyimer, ta GPRN MIP sangdong ka nung metetdaktsü.
Lt. Xuvito Sumi-i 2009 küm October 15 nü Khapur ama Naga linük tenzükba wadang nung aden aser 2018 küm June 15 nü Leacy aküm; pa ya mangdang aliba nisung ka liasü, shibai kanga mulungtoka linük tenzük aser pa akümli tashi pa nem nungloktsüba mapa kanga nendaka inyakogo, ta kasa sangdong nung shia lir.
“Iba ama mangyim mapang nung GPRN-i asür kibong züngsemtem den mangyim jashi lemsateper aser Tsüngremi asür nem tatem maka tesünep agüjang ta sarasademtsür,” ta MIP sangdong nungsa shia lir.