GPRN-i Nchumbemo den asükhu lemsatep

Dimapur, Tsüklai/February 14 (TYO): Government of the People’s Republic of Nagalim puri Nchumbemo Tsanglao Lotha asüba osang angazüka akosaba aser temulung mepelai bilemba lemsatepogo. Nchumbemo ya Lotha Region Tatar liasü. Pa linük mapa nung 1993 küm April 16 nungi aden aser 2018 küm tatar asütsü shim.
Pai kanga ajemalua aser bendanga agüja linük tenzükogo. Pa asüba ajanga tawa adokdaktsüba ya süngdaktsütsü tasaka asütsü, ajisüaka pa tenüng teti asoshi Naga nunger puti otsü nung zülua ayutsü shibai linük asoshi pa dak aketba tajungtiba agütsüogo.
Iba ama mangyim tejashi mapang ka nung Tatar Hoho aser talisa GPRN puri asür nem aküm tetushi agütsür. Pa Kotaker tebu kaboma nung anisüngzük angutsü onoki sarasademtsüba den asür kinungertem nem Tsüngremi iba mangyim tia koktettsü asoshi tashi aser tasü tait tanüla agütsütsü sarasademtsür. Pa tanüla tesunep nung anisüngzükdakjang, ta MIP sangdong ka ajanga metetdaktsü.