GPRN-i NEWS 18 noktanger

Dimapur, May 1 (TYO): NEWS 18 nung Reporter kati Executive Member, Steering Committee, NSCN V. Horam-i jembiba olen mashileni meyipzüka prokshiba atema ashitepaka NEWS 18 nungi telangzüba kecha maliba agi parnok noktanger, ta MIP-i metetdaktsü.
Horam-i jembiba onük NEWS 18 Reporter-i tim mesüi prokshi anungji iba mapa atema NSCN/GPRN-i NEWS 18 aitsür.
“Naga nunger ya Khristantem asü nungji kümdanga alitsüla. Tangbo lendong ajurutsüsa kecha ajiteta mali saka Naga Army aser ozü intelligence agencies kümküma lir” ta Horam-i ashi saka NEWS18 nungbo “ISIS-i Nagaland amak nungbo NSCN(IM)-i parnok tamakok ngudaktsütsü” ta belensaa adok, ta MIP-i metetdaktsü.