GPRN-i nüburtem dang tekümdangtsü sangdonger

Dimapur, May 09 (TYO): Tang ama tensa ka nung Naga nunger sobaliba menenja ozüng alema inyakba mapatem aser lokti nung temenentem nokdangtsü nükjidong nung Ministry of Kilo Affairs Secretary, M. Daniel Lotha-i Dimapur aser temeket nung Crime Suppression Department (CSD) nem officially mapa lemzüktsür, ta GPRN Secretary, M. Daniel Daniel Lotha-i sangdong ka nung metetdaktsü.
Iba dak sendakba nung nübur ajak dang ozüng alema inyakba aser temenen mapatem mebenshitsü mepishia metetdaktsür, ta sangdong nung shia lir.
Iba tetuyuba nung manidakra tapet temerenshi agütsütsü. Iba den külemi CSD inyakyim nung mangatetba mesüra terataba lira item mobile no. nung tongteprateptsü akok. Contact: # 9856071655 # 9436971965