GPRN Ministry of Information and Publicity-i metetdaktsür

Dimapur, Yimpoksüi/November 26 (TYO): Naga nunger yimden yimsüsüba tsütsü temeden khanga nokdakba aser Indo-Naga sensaksem mapang talangka agia aruogo aser tang tatembang ka tonga aruba mapang ka nung Ministry of Information and Publicity (MIP)-i sayaba 2020 Calendar ya tatalokba balala lepa sayuba calendar ka asütsü. Iba calendar ya tanü sayaogo aser GPRN puri iba calendar ajanga nüburtem ajak sendakteptsü asoshi mepeshia metetdaktsüogo. Calendar jenjang sen 150 asütsü. Nüburtemi teyari agütsüba ajanga mapa metembangi aliba tem takok nung inyaka otettsü, ta MIP sangdong ka ajanga metetdaktsü.