GPRN Tatar Hoho budget Senden alitsü

Dimapur, March 15 (TYO): GPRN General Secretary, Vice President aser Speaker-i agizükba nung ajemdaker Tatar Hoho-i March 23-24, 2017 anogotem nung anepdang 10:00 ako nungi Council Headquarters, Hebron nung Tatar Hoho budget Session 2017-18 ayonger, ta Tatar Hoho Secretary, A. Ashiho-i tanü sangdong ka ajanga metetdaktsü.
Anungji Steering Committee züngsemtem, Council of Kilonsers, Tatars, CNC, Head of Departments, Naga Army Authorities (Brigadier & above and Brigades/Battalion’s Commanders), NSWON Executive züngsemtem, CAOs/EOs den senior Leacys ana iba senden nung adentsü metetdaktsür.
Iba dak alia Steering, Kilonser, Dy. Kilonser aser Tatar ta jenjang tebendang kecha makai züngsem ajak senden nung adentsüla, ta kasa sangdong nungsa shia lir.