GPRN tsüngdang MNPF tanishir 2-i nangzük

Dimapur, Rongjui (September) 7 (TYO): Manipur Naga People’s Front (MNPF) ta ajaba telok nung taoba Defence Secretary Lovejoy K Zimik-i aibelenba angateta August 8, 2018 nü party toktsü aser NSCN bangdakpur tsüngdang temai adokogo, ta MIP sangdong ka nung metetdaktsü.
Ozüngi noktanga aliba Meitei telok- People’s Liberation Army (PLA) kübok MNPF-i mapa inyaker aser NMPF tentetba ya Indo-Naga yimten olemtep nung tetsükdaktsü bentsür arutsü atema dang tentetba lir ta pai (Zimik) nangzük, ta MIP-isa ashi.
MNPF tir John Francis Kashung-i PLA den yaritepa pa ajangzüktsü atema dang mapa inyaker, ta Zimik-isa ashi.
Maneni, MNPF Publicity Secretary Tamrei K Zimik-ia aibelen angateta August 18, 2018 nü party toktsü aser NSCN tsüngdang temai adok.
MNPF indang alizüng aser telatetba kecha mali aser parnoki PLA aser Coordination Committee (CorCom) atema dang inyaker ta Tamrei K Zimik-i nangzük.
MNPF chairman John Francis Kashung-i PLA den yaritepa pa ajangzüktsü atema dang inyaker aser Manipur sorkaria yaria MNPF ya Meitei UGs o CSOs (civil society organizations)-i anishir. Naga nung telongjem raksatsütsü aser NSCN-GoI yimten olemtep nung tetsüdaktsü bentsür arutsü atema MNPF-i mapa inyaker ta Zimik-isa metetdaktsü.
MNPF-i Naga nunger ajungtsü atema kecha mejembi saka Nagas CSOs, Naga Hoho, tribal Hohos, political party NPF aser Ato Kilonser, Th. Muivah nunger anema dang jembia aruba atema sasar, ta paisa ashi.