GPRN/NSCN-i Khekhaho (Newell) dang tuyur

Dimapur, December 13 (TYO) : December 11, 2015 nü GPRN/NSCN Joint council meeting nung NSCN (R) nung adener Khekhaho (Newell)-i sen meyipa agütsütsü atema anogo latettsütsü telemtetba agi, ta MIP, GPRN/NSCN-i sangdong ka nung metetdaktsü.
Khekhaho-i sorkar sen tim mesüi amshi ta tai tongloktsüba sülen pa NSCN (R) nung aden. Pa nem tetuyuba agütsüba sülen anogo 15 tsüngda pai Government fund sen lakh 15 agütsütsü atema metetdaktsür. Mapang latettsüba tsüngda nung pai sen meyipa magütsüra GPRN/NSCN-i Padumphukri, Dimapur nung par kimung aser ki agitsü, ta MIP, GPRN/NSCN-isa sangdong nung shia lir.