GPRN/NSCN-i NIA aitsür

Dimapur, June 8 (TYO) : National Investigation Agence (NIA)-i osangkaket balala nung Alezo Venuh (Chakhesang) aser Kughalu Mulatonu na dak tai tonglokja osang prokshibaji NSCN nung tongti lennir ana tenüng menüktsütsü atema inyakba lir, ta Ministry of Information and Publicity GPRN/NSCN-I metetdaktsüogo.
GPRN/NSCN aser NSCN (K) na khenyongi telok balala lir. GPRN/NSCN-i India sorkar den ceasefire tenangzüktep agia lir aser SS Khaplang-i aniba NSCN (K)-i tawa tu India sorkar den ceasefire agienogo, ta MIP sangdong nungsa shia lir.
June 4, nü Chandel nung atalokba atema NSCN (K)-I tenüng agiogo saka NIA-i iba tatalokba atema tiyazü nung GPRN/NSCN amsembaji kanga dang aibelena inyakba lir.Aibelena tangar dak tai tongloktsüba nung mapang meindoki NIA-i NSCN (K) aser parnok den yaritepba teloktem dak tenük yoka inyaktsüla, ta MIP-isa metetdaktsüogo.