GPRN/NSCN-i tasür kibongtem den asülu lemsar

Dimapur, November 18 (TYO) : November 15, 2015 nü Shamator nung Indian Armed forces-i züngsem pezü kahsetba asoshi GPRN/NSCN ketdangpurtemi anir züngsem ajaki asür kibongtem den asüku lemsateper, ta Secretary MIP GPRN/NSCN, Moa Walling-i sangdong ka nung metetdaktsü.

Naga nunger puti otsü nung iba mesükba tashiyim mapa inyakba aiben ataloka arur. Itdangitrar aser osang belener timba alibaji Indian Army lir anungji aibelena kahsetba ta tiyazü kuli agüja iba tashiyim mapa miimbangtsü memerangtsüla, ta MIP GPRN/NSCN sangdong nung shia lir.

Iba tatalokba ajanga Naga nunger jashidaktsür kechiyong iba inyakyim ya Ceasefire tenangzüktep anema lir. GPRN/NSCN-i iba tatalokba atema bushisüngdang tenzükogo aser tatem tashi bushitsü aser iba bushitetba osang sülen teinyaktsü tim ta bilemba mapa inyaktsü, ta sangdong nungsa metetdaktsü.