GPRN/NSCN-i tenüngsang agütsür

Dimapur, July 01 (TYO) : GPRN/NSCN nung lenir Wb.Jungshiwati-i linük tenzükba mapa nung maneni meranga inyakba ajanga Advisor to Collective Leadership jenjang tongtetba asoshi pa nem tenüngsang tulu agütsür ta sangdong ka ajanga GPRN/NSCN kübok Ao Region nung linük tenzükertemi metetdaktsüogo.
Parnokisa GPRN/NSCN nung tongti lenirtemi Wb.Jungshiwati dak temulunglemteta jenjang tajung agütsüba asoshi pelar ta metetdaktsü. Tsüngremi pa nem taküm tajung aser takok moajang ta parnokisa sarasadema iba sangdong agütsü.
Naga nunger yimten nüchiso asoshi nokdakba mapa nung onoki maneni pusema nokdaktsü ta GPRN/NSCN Ao Region nung tenzükertemisa akangshia metetdaktsüogo.