GPRN/NSCN indang Ceasefire Office lapokogo

Dimapur, October 10 (TYO) : October 10, 2015 nü Purana Bazaar nung Kilo Kilonser Vitoi Aye-i GPRN/NSCN indang Ceasefire Office lapoktsüogo.
Tanü Ceasefire Office lapokdang Collective Leadership nung Advisory Board züngsemtem, Council of Kilonsers, Naga Army ketdangsertem aser HODs nungertem liasü.
Sentong nungsa Purana Bazaar Village Council Chairman den GBs aser Jorphukri Colony Chairman den züngsemtem aden.
Sentong nung mendenji Ceasefire Supervisory Board Convenor Jack Zhimomi, Kilonser liasü aser Purana Bazaar Village Council (PBVC) Chairman o Jorphukri Colony Chairman natia tajungshi o jembi.
Collective Leadership atema envoy Alezo Venuh-i o jembidang, Purana bazaar yimtsüng aser colony züngsemtemi iba office tenzüktsü arema yaritepba atema pelaba metetdaktsü.
GPRN/NSCN indang ceasefire office tesem tajung nung amenokba ajanga parnoki mapa tajungba nung inyaktsü aser iba office ya public o sorkar tsüngda apu ka alaba ama asütsü, ta Alezo Venuh-isa ashi.