Mokokchung, Junly 12 (TYO): Government Primary School Mopungchuket Sector ‘A’ Dilapidated School building SSA Scheme 2012-14 ajanga yangluba July 11 anogo DEO Mokokchung I. Sademmenla-i mesemtetja lapoktsüogo.
Sentong nung District Mission Authority, Lima (JE)-ia VEC aser school ketdangsürtemi nendaka meranga ochishia inyaka mapang shitak nung school ki renemteta lapoktetba atema tenüngsang agütsü.
Iba sentong VEC Secretary Moajungba Lemtur-i ketdangsüa ani, L. Mapula Ex Asso Pastor (W)-i sentong tenzüka temoatsü jaoka Sarasadem, VEC Chairman K. Alem Aier-i tarurtem aser lenirtem pelashishia agizük, School ki renemba osang Tiasunep ajanga metetdaktsü, Council Chairman Mopungchuket K. Nokcha Aieri tayongzüka O jembi, Teacher In-Charge GPS ‘A’ Mongesn Ltr-i sentong melepzüng O jembi aser tatembang tenüngsang agüja MBA pastor Rev. Jongpong-i Sarasadem.

You must be logged in to post a comment Login